ROXAS CITY-Ginkompirmar sang tagpamaba sang Metro Roxas Water District ukon MRWD nga may yara sang naguba nga submersible pump sa Paslang Water Treatment Facility sa banwa sang Panitan rason nga mahina ang tubod sang tubig sa gripo sa pila ka mga kabarangayan sa siyudad.
Sa interview sang Bombo Radyo sa kay Mr. Mark Bernas ginpahayag sini nga naguba ang isa sa tatlo ka mga submersible pump sa Paslang Water Treatment Facillity rason nga mahina ang tubod sang tubig nga nagaguwa sa mga gripo kahapon nga adlaw.
Suno sa kay Bernas nga ginkay-o man sang maintenance department ang nasamad nga pump apang kaina lang sang maga-aga natapos.
Gindugang pa ni Bernas nga amat-amat man nga nagbalik sa normal ang pressure sang tubig bangod temporaryo nga gin-islan ang nasamad nga pump.
Aminado ang talatapan nga madamo sang mga concessionaires nga nagpalab-ot sang nagreklamo sa ila natuhoy sa mahina nga pressure sang tubig kalakip na ang mga residente sang Barangay Tiza, Culasi, Cagay, Dayao kag Baybay.
Samtang nagpangayo naman sang pasaylo ang pamunuan sang MRWD sa natuhoy sa na-eksperyenisyahan sang mga concessionaires nga mahina nga pressure sang tubig.
