ROXAS CITY – Ginpasakaan na sang panumbungon nga paglapas sa Republic Act 10591 ukon Illegal Possession of Firearms and Ammunitions sa Roxas City Prosecutors ang isa ka nagpakilala nga Criminal Investigation and Detection Group (CIDG) Civilian Agent.
Ginkilala ang nasambit nga persona kay Depee Dorado, 28-anyos sang Barangay Poblacion Ilaya, Panitan, Capiz.
Sa exclusive interview sang Bombo Radyo kay Police Master Sergeant Ronnie Recto, imbestigador sang Roxas City Police Station nagaguwa sa ila ginpatigayon nga imbestigasyon nga seperado nagpadulong sa isa ka bangko sa bahin sang Roxas Avenue sanday anay CIDG Civillian Agent Rodulfo Bialen sang Barangay Milibili kag sang suspek nga si Depee Dorado.
Ginaalegar ni Bialen nga may yara sang dala nga armas luthang si Dorado rason nga ginsugid niya ini sa gwardiya sang bangko.
Apang, sa baylo nga sawayon sang gwardiya si Dorado, gintuad pa sini kay Bialen nga miyembro sang CIDG si Dorado.
Mahibaluan nga nag-angkon sang pagkomprontahanay ang duha sa diin ginpahog pa ni Dorado nga iga-raid sini ang balay ni Bialen.
Bangud diri, hinali na lamang ginsumbag ni Bialen si Dorado.
Gilayon naman nagresponde ang mga kapulisan sa lugar matapos nga nakabaton sang impormasyon nga may yara sang nagahinabo nga insidente.
Narekober naman sa posisyon ni Dorado ang isa ka Taurus .9mm nga armas luthang, (2) ka mga magazine kag (31) ka mga bala sa diin kabaliskaran ini sa iya alegasyon nga ginaalegar ginkuha ni Bialen ang iya sini inugdeposito nga kwarta nga nagalab-ot sa P150,000.
