Nagapang-ubra sang lapida sa syudad sang Roxas wala na nagabaton sang costumer

ROXAS CITY – Halos puno na ang skedyul kag wala na nagabaton sang costumer ang mga manug-ubra sang lapida sa syudad sang Roxas partikular sa bahin sang Barangay Banica.

Ini ang ginsiling ni Mr. Redan Aldea, laborer sang Ponyot Lapida Engraver sang ma-interview sang Bombo Radyo.

Ginpahayag ni Aldea nga sumugod Oktubre 15, madamo na ang nagapahimo sa ila sang lapida kalabanan mga taga-Roxas kag may yara man gikan sa iban nga probinsya kag Metro Manila.

Madahog man ang ila negosyo subong suno diri ikumparar sang nagligad nga tuig tuga sang restriksyon sang Covid-19.

Kalabanan subong nga nagapa-ubra sa ila ang nagapailis sang lapida sa mga sementeryo kag nagabalor ini sang P1,500, P2,000 naman sa mga nagapa-rush kag malawig nga sulat sa lapida.