ROXAS CITY – Dismayado ang tag-iya sang angkar-angkar sang natukiban nga wala na sang goma sa una kag mga piyesa ang iya motorisklo nga nakapark sa kilid sang karsada sa Sitio Silab, Barangay Batabat, Maayon Capiz.
Sa interview sang Bombo Radyo kay Mrs. Leslie Dordas, temporary nga ginpark sang iya bana ang amu nga angkar-angkar sa kilid sang karsada bangud indi ini makasulod padulong sa ila balay bangud sa maligna ang dalan.
Apang daku na lang ang kakibot ni Dordas nga pagka-aga, wala na sang goma kag iban pa nga piyesa ang motorsiklo.
Suno diri, daku nga halit ang gintuga sang ginaalegar makawat ilabi na sila adlaw-adlaw nga panggawi.
Mahibaluan, ang angkar-angkar ang ginagamit sang pamilya Dordas para sa ila pangabuy-anan kag makakita sang kwarta para sa mga naga-eskwela nga mga kabataan.
