ROXAS CITY – Nagdangat sa 17 ka mga gun ban violators ang napasakaan sang panumbungon bangud sa paglapas sa Comelec gun ban sa pagsugod sang election period.
Sa nasambit nga numero anum sa mga nadakpan ang nagadala sang deadly weapon kag onse ang naglapas sa gun ban.
Ginpahayag ni Police Chief Master Sergeant Donna Asmod, tagpamaba sang Capiz Police Provincial Office (CPPO) nga tanan nga napasakaan sang panumbungon nga paglapas sa Comelec gun ban ang detain sa karon sa mga bilangguan.
Sa kabug-usan may yara sang 5mil 191 ka mga gun holders sa probinsiya kag 859 ang nagsungka sang ila armas for safekeeping samtang ginaproseso ang expired nga lisensiya.
Nahibaluan nga ini ang resulta sang Tokhang kontra sa ginadumilian nga pusil sang Philippine National Police.
Tuyo sini nga tikang nga mapasiguro nga wala sang nagalagaw nga indibidwal nga may ginabitbit nga armas.
