Napatay sa airstrike sang Israel sa Lebanon nagdangat na sa masubra 300

Nagdangat na sa 356 katawo ang napatay sa padayon nga airstrikes sang Israel sa Lebanon.

Suno sa Lebanese health ministry nga may pila ka mga kabataan kag kababainhan ang napatay sa Bekaa kag Ballbek, southern Lebanon.

Naglab-ot naman sa 1,246 katawo ang napilasan sa nasambit nga insdente.

Ginakabig nila nga ini na ang pinakalala nga pag-atake sang Israel sumugod pa sadtong 2006 nga giyera.

Depensa naman sang Israel Defense Ministry nga ang target nila sa nasambit nga operasyon amo ang mga Hezbollah group nga yara sa Lebanon.

Matandaan sadtong nakaligad nga semana naglupok ang mga pagers kag 2-way radio sa Lebanon nga ang yara sa likod amo ang Israel.