Natapos na sang National Bureau of Investigation (NBI) ang imbestigasyon nga may kaangtanan sang pagpamahog ni Vice President Sara Duterte nga pagpatay kay Presidente Ferdinand Marcos Jr., First Lady Liza Marcos kag Speaker Martin Romualdez.
Suno kay Department of Justice National Prosecution Service Prosecutor General Richard Fadullon nga nagpadala na sila sang prosecutors agud tun-an ang mga ebidensya nga hawid sang NBI.
Ginpahayag ni Fadullon nga naka-depende suno sa resulta kun magapaguha sila sang rekomendasyon nga mag-file sang reklamo sa DOJ, ukon kun ibalik ini sa NBI para sa pagpapag-on pa sang kaso ukon case buildup.
Suno naman kay DOJ Undersecretary Raul Vasquez sa oras nga matapos ang evaluation, diri mahibaluan kun dapat ini nga i-angat sa preliminary investigation.
Kun matandaan, wala nagtambong si VP Sara sa NBI sang ini ang gin-imbitahan.
