Ginapatuman sang National Grid Corporation of the Philippines (NGCP) ang ila integrated disaster action plan agud malimitahan ang epekto sang mga bagyo Emong, Dante kag habagat sa transmission lines kag pasilidad.
Ang plano sa aksyon nagalakip sang pre-positioning sang mga line crew sa mga estratehiko nga lugar, pag-usisa sang mga communications equipment kag pagsiguro sang availability sang hardware para sa gilayon nga pagkay-o sang mga naguba nga mga transmission facilities.
Suno sa grid operator, importante ang ini nga mga preparasyon agud mapasiguro ang madasig nga pagbalik sang supply sang kuryente sa mga lugar nga apektado sang kalamidad. Base sa update halin sa NGCP subong nga hapon, nagapabilin nga normal ang operasyon sang tanan nga transmission lines kag pasilidad sini.
