Ginapahalong kag gina-advisan nga mangin alerto ang mga residente sa Negros Occidental kag Negros Oriental sa posible ash fall nagikan sa bulkang Kanlaon subong nga Biyernes, Nobiyembre 8.
Suno sa National Disaster Risk Reduction and Management Council (NDRRMC), ginalauman nga tuyuon sang ash fall ang naaminhan-nakatundan nga bahin sang bulkan.
Base sa monitoring sang Philippine Institute of Volcanology and Seismology (Phivolcs) nakapagkit sang pagsungaw nga may talagsahon nga abo ang nasambit nga bulkan kag ginabulubanta yara sa 7,378 tonelada sang asupre ang ginbuga sini nga may taas nga 750 metro.
Kun mag-angkon man sang pag-abo ukon ashfall nga mahimu makaapekto sa mga pumuluyo, mahimu nga takpan sang malimpyo nga trapo ukon dust mask ang ilong kag bibig kun nasimhot ang abo.
Ginganyat man ang mga civil aviation authorities nga mag-abiso sa mga piloto nga likawan ang pagpalupad sang eroplano malapit sa putok-putukan sang bulkan agud makalikaw sa delikado nga abo
Sa karun, nagapabilin nga nakataas sa alert level 2 ang bulkang Kanlaon.
