Tapaz – Arestado ang 38-anyos nga negosyante sa ginkasa nga drug buybusy operation sang gintingub nga pwersa sang station drug enforcement team sang Tapaz PNP kag Provincial Drug Enforcement Unit sang Capiz Police Provincial Office sa Barangay Poblacion, Tapaz Capiz.
Ginkilala ang arestado kay Joan Glumalid sang nasambit man nga lugar.
Base sa inisyal nga imbestigasyon sang Tapaz PNP nga ginkasa ang operasyon samtang nagabaligya sang litson manok ang suspek sa lugar.
Narekober sa arestado ang apat ka sachets sang ginapatihan shabu, 1,000 nga buybust money, isa ka unit sang cellphone kag envelope.
Nakahunong na karon sa karsel sang Tapaz PNP ang arestado kag natalana nga pasakaan sang panumbungon nga paglapas sa RA 9165 ukon Comprehensive Dangerous Drugs Act of 2002.
