-- ADVERTISEMENT --
Ginkumpirmar ni PLT. Col Lumyaen Lidawan nga wala sang foul play ang kamatayon sang isa ka lalaki nga aksidente natiruhan sang iya kaugalingon nga armas luthang sa Hermano Subd., Barangay Punta Tabuc, Roxas City.
Matandaan nga ginkilala ang biktima kay alyas “Junjun”, 40-anyos kag residente sang nasambit nga lugar.
Sa pagpakig-angut sang Bombo Radyo sa nasambit nga hepe sang Roxas City Police Station, ginpahayag nga nasulod sa belt bag ang break type nga improvised shotgun sang biktima apang nahulog ini kag sang iya na nga ginpulot hinali ini nga naglupok.
Igo sa nawala nga bahin sang iya nga dughan ang biktima nga amo ang gintunaan sang iya kamatayon.
Sa karon, padayon pa ang maid-id nga imbestigasyon sang mga kapulisan angut sa insidente.
-- ADVERTISEMENT --
