Ginpahayag ni Nicholas Kaufman nga abogado ni Former President Duterte nga nagapatimaan nga indi luyag sang publiko ang pag-aresto sa anay pangulo base sa nakuha nga tuman ka daku nga boto ni Duterte sa bag-o gid lamang nagtakop nga 2025 midterm elections.
Suno kay Kaufman nga “overwhelming” ang pagdaog ni Duterte bilang Alkalde sang Davao City sa diin base sa partial count sang Commission on Elections (Comelec) nakuha niya ang 539,141 nga boto batuk sa iya nga kasumpong nga si Karlo Nograles nga may 65,090 nga boto.
“The solitary ballot paper of Rodrigo Duterte is of less significance than the overwhelming support expressed for him today at the polls,” pahayag ni Kaufman.
Dugang pa sang abogado nga maathag nga ginapakita sang mga botante ang ila tuman nga handom kag tinutuyo para mabalik ang former president sa Pilipinas kag ang pagpamatok sa tuyo sang administrasyong Marcos nga panason ang iya nga ginbilin nga legasiya.
“The electorate showed its clear desire for the former President’s return to the Philippines and its total rejection of the Marcos Government’s vain attempt to stamp out his legacy,” suno pa kay Kaufman.
