Numero sang mga naapektuhan sang bagyo kag habagat, naglab-ot na sa 3.3 million

Naghabok pa sa 3.3 milyon ang numero sang mga indibidwal nga naapektuhan sang bagyo kag lapnagon nga pagbinaha gikan sa 16 ka rehiyon sa pungsod.

Suno sa report sang National Disaster Risk Reduction and Management Council (NDRRMC), kabaylo ini sang 905,086 nga mga pamilya.

Pinakamadamo nga residente nga naapektuhan ang nagikan sa Region 3 ukon Central Luzon nga naglab-ot sa 2.1 million nga indibidwal.

Sa karon, yara sa 252,166 nga indibidwal ukon 64,520 pamilya ang nagapabilin sa 1,236 evacuation centers.

Samtang, yara na sa ₱114 million ang bulig nga nahatag sang gobyerno para sa mga apektado nga pamilya.