Napagkit sang automotive industry sang pungsod ang record-high sales sadtong nakaligad nga tuig.
Suno sa datos sang Chamber of Automotive Manufacturers of the Philippines Inc. (CAMPI) kag ang Truck Manufacturers Association (TMA) nga may yara sang kabug-usan nga 467, 252 units ang nabaligya.
Ang nasambit nga numero ang mas mataas ikumparar sadtong tuig 2023 nga may yara sang 429,807 units.
Ang mga pampasahero nga salakyan nga nabaligya ang nagtaas sang 10.5 percent ukon 120,770 ka units sadtong tuig 2024 halin sa 109,264 units sadtong tinalikad nga tuig 2023.
Samtang ang commercial nga salakyan ang nagsaka sang masubra walo ka porsyento nga 346,482 units sadtong 2024 ikumparar sa 320,543 units sadtong tuig 2023.
Nagalaum naman ang grupo, nga sa subong nga tuig mangin mataas pa ang numero sang mga salakyan nga ila mabaligya.
