ROXAS CITY – Nagpasalamat si Office of the Civil Defense (OCD) Regional Director Jose Roberto “Bobby” Nunez sa preparasyon sang mga Local Government Unit (LGU’s) sa bug-os nga Western Visayas sa paglaslas sang Bagyong Tisoy sa ila nga mga Areas of Resposibility.
Suno kay Nunez nga mismo ang mga LGUs ang nagpanguna sa pagbantay kag pagmonitor sang lakat sang panahon agud mapabilin ang seguridad sang mga residente.
Bangud sa nangin preparasyon sang mga LGU sa ila nga mga areas of responsibility tuman lamang ka minimal ang narekord nga kahalitan sa paglaslas sang Bagyong Tisoy sa Western Visayas.
Ginkalipay ni Nunez nga minor lamang ang mga reported incidents nga natabo natuhoy sa paglaslas sang nasambitan nga bagyo.
Nagpanugyan si Nunez nga padayunon lamang sang mga LGU ang ila nga ginapakita nga suporta sa tion nga may kalamidad.
