Ginsiguro sang bag-o nga Ombudsman nga si Jesus Crispin “Boying” Remulla, nga pagabalikan nya ang isyu sang confidential funds ni Vice President Sara Duterte.
Suno kay Remulla, pagatun-an nya ang mga report kag dokumento nga ginpasa na sa Ombudsman, kalakip ang rekomendasyon sang House Committee on Good Governance nga pasakaan sang kaso si Vice President Sara Duterte bangud sa ginapahayag sala nga paggamit sang pondo ng Department of Education.
Ginasiguro ni Remulla ang transparency kag pasabton ang mga opisyal nga naulamid sa korapsyon.
Kalakip man sa iya nga pagatutukan ang mga isyu sang korapsyon kasubong sang sa flood control projects.
Madumduman nga gin-appoint si Remulla bilang Ombudsman ni Presidente Ferdinand Marcos Jr. bilang tal-os ni Samuel Martires. Opisyal ini nga magasumpa sa Huwebes kag magapungko sa bag-o nga posisyon sa Biyernes.
