ROXS CITY – Dismayado ang pila ka mga online sellers matapos nga nag-anunsyar ang facebook meta nga pagakakasaon na sa ila nga social media platform ang mga nagabaligya sang produkto pinaagi sa paglive sumugod Oktubre 1.
Sa pakig-angut sang Bombo Radyo kay Cecilia Oropio, may kabataan nga nagalive-selling sang preloved item ukon ukay-ukay, suno diri dako ang bentaha kun nagabaligya pinaagi online bangud wala na sang may nabayaran nga pwesto kag madasig maubos ang ila produkto.
Suno diri, kadungan sang paglupok sang pandemya madamo sang nagsuporta sa mga nagabaligya online bangud makaluwas ini sa peligro nga tuga sang COVID-19 kag nagahulat na lang nga maabot ang ila order kag tama ka convenient indi lamang sa seller pati man ang konsumer.
Dugang pa sini, nga madamo ang maapektuhan sa tikang sang nasambit nga social media platform ilabi na sa ang magagmay nga online sellers nga amu pa lang naga-umpisa sa pagnegosyo.
