Online Tutor kag fish vendor kalakip sa 5 ka mga panibag-o nga kaso sang COVID-19 sa Roxas City

ROXAS CITY-Nakapagkit sang 5 ka mga panibag-o nga kaso sang COVID-19 ang siyudad sang Roxas kahapon nga adlaw.

Sandig sa ginpaguwa nga official statement ni Roxas City Mayor Ronnie Dadivas ang mga nagpositibo nga mga indibidwal amo ang masunod

1. 39 anyos nga lalaki nga empleyado sang Capiz Provincial Government kag residente sang Barangay Banica (Highway), Roxas City.
2. 29 anyos nga babayi, isa ka online tutor kag pumoluyo sang J.Fuentes St., Inzo Arnaldo Village, Roxas City. Ini isa ka close contact sang nauna nga nagpositibo sang amo nga sakit.
3. 60 anyos nga babayi nga residente sang Sitio Ilaya, Barangay Tanque, Roxas City
4. 51 anyos nga babayi, pumoluyo sang Sitio Ilaya, Barangay Tanque, Roxas City. Utod ini sang positibo nga indibidwal
5. 59 anyos nga babayi kag residente sang Mabini Altavas Urban Barangay Baybay Roxas City kag isa ka fish vendor.

Samtang naglab-ut na sa 424 ang kompirmado nga kaso sang COVID-19 sa siyudad kun sa diin 66 diri ang ginakabig nga active case ,332 naman ang nag-ayo na sa amo nga sakit kag nagapabilin sa 28 ang ginbawian na sang kabuhi.