ROXAS CITY – Gin-aprubahan na sang Sangguniang Panlunsod ang ordinansa nga ginduso ni City Councilor John Paul Arcenas nga may tig-ulo nga ‘An ordinance mandating all motorcycle riders to wear standard protective motorcycle helmets while driving within the territorial jurisdiction of Roxas City, Capiz’.
Sa interview sang Bombo Radyo kay Arcenas, ginsiling sini ga tinutuyo sang nasambit nga ordinansa nga protektahan ang kabuhi sang tagsa isa ilabi na nga indi malikawan ang disgrasya.
Ini ang igapatuman matapos ang 36 diyas para sa pagfinalize sang ordinansa.
Nakasaad man sa ordinansa, nga pagamonitoron sang mga katapo sang Philippine National Police (PNP) kag Traffic Management Unit ang mga motorista kun ini bala ang nagasuksok sa standard protective helmet.
Pananglitan nga may magsuway sa ordinansa may yara ini sang nagakaigo nga penalidad:
1st offense – P500
2nd offense – P1,000
3rd offense – P3,000
4th offense – P5,000
Samtang, ginpahayag ni Arcenas nga mas pasangkaron pa nila ang ordinansa natuhoy sa open muffler kun sa diin indi lamang nakasentro sa mga motorista amu man sa mga salakyan kag trucks.
