P500,000 halit nga ginbilin sang sunog sa isa ka balay sa Ivisan, Capiz

ROXAS CITY — Gintupok sang kalayo ang isa ka puluy-an sa Barangay Sta. Cruz sa banwa sang Ivisan, Capiz.

Suno kay SFO4 Francisco Vijar, acting fire marshall sang Ivisan Municipal Fire Station, ginapanag-iyahan ni Rodrigo Celino ang nasambit nga puluy-an nga human lamang sa mixed materials.

Base sa imbestigasyon sang otoridad nagsugod ang kalayo sa napabayaan nga ginaluto sa dalapugan sang balay.

Ginabulubanta nga nagalab-ot sa P500,000 ang kahalitan nga natuga sang sunog sa balay ni Celino.