Didto sa Spain sa isa ka Asador Aupa nga restaurant, nahamtang ang pinakamahal kag eksklusibo nga burger sa bug-os nga kalibutan nga nagabili ini sang $11,000 ukon ₱647,000.
Ang Asador Aupa isa ka Basque nga restaurant sa Cabrera de Mar, Catalonia. Ginapangunahan ini sang chef kag gastronomic influencer nga si Bosco Jiménez.
Naglab-ot sa walo ka tuig antes nila nga naperfect ang pag-ubra sang burger kag ang mga sangkap wala ginapahibalo sa publiko, apang apang suno sa restaurant, ang presyo nabase sa tatlo ka butang: kalidad sang mga sangkap, pinasahi nga eksperyensya, kag pagkaeksklusibo.
Nagagamit ini sang pila ka tumalagsahon nga mga karne kag mga keso sa Europa, subong man ang isa ka pinasahi nga sarsa nga may malahalon nga ilimnon.
Indi lang ang pagkaon ang ginabayaran diri, kundi ang bug-os nga eksperyensya, kag limitado ang produksyon kag para lang sa pinili nga mga bisita.
Mahimo ka mag-request sang imbitasyon, apang pila lang ka pinili ang mapilian nga maka-eksperyensya sang kasubong sini.
