MANILA – Naglab-ot na sa P10 million ang reward nga ginatanyag sa makahatag sang impormasyon sa nahamtangan sang ginaalegar co-mastermind sa kaso sang pagpatay sa negosyante nga si Anson Que kag sa driver sini.
Ginkilala ni PNP spokesperson Police Brigadier General Jean Fajardo ang nasambit nga co-mastermind nga si Wenli Gong, isa ka Chinese national nga kilala man sa iban nga ngalan nga Kelly Tan Lim, Bao Wenli, Axin, kag Huang Yanling.
Suno kay Fajardo, katuyuan sini nga padya nga mapadasig ang pagdakop ukon pag-aresto kay alyas Kelly.
Kon madumduman, una nga gin-anunsyo sang PNP ang P5M nga reward money.
Natumod man sang PNP ang kabug-usan nga lima ka mga suspetsado sa kaso nga murder.
Tatlo diri ang yara sa ila kustodiya sa karon nga sanday David Tan Liao, Richardo Austria, kag Reymart Catequista.
Padayon pa nga ginapangita sang mga otoridad si Jonin Lin kag alyas Kelly.
Ginpahayag nga sanday Kelly kag Lin ang co-masterminds sa pagpatay kay Que kag sa iya driver samtang ang nabilin nga tatlo mga kakunsabo.
