Naghatag sang suporta ang Securities and Exchange Commission (SEC) sa mga suhestyon nga nagatuyo sa pag-amyendar sang Bank Secrecy Law bilang kabahin sa kampanya batok sa korapsyon.
Suno kay SEC Chairperson Atty. Francis Lim, kinahanglan ang pagpahalug sang layi agud mapabakud pa gid ang pagsalig sang capital market kag kabug-usan nga ekonomiya.
Gingpahayag man niya nga ang korapsyon ang nagatuga sang uncertainty kag nagadugang man sa mga indi kinahanglanon nga gasto para sa mga negosyo.
Subong yara pa sa kongreso ang mga pending bills nga maga-amyenda sang bank secrecy law para mas mangin bukas ang transaksyon kag mas epektibo ang kampanya kontra korapsyon.
Ang Bank deposits sa idalom sang Republic Act No. 1405 ukon Law on Secrecy of Bank Deposits, ang nagamando nga tanan nga deposito ang eksklusibo nga mga impormasyon, magluwas lamang kun may-ara sang kasulatan ukon permiso gikan sa mismo nga depositor.
