ROXAS CITY, CAPIZ- Ginalantaw sang isa ka anay legal consultant sang House of Representatives nga si Atty. Joenar Pueblo nga sa karon President sang Philippine Arbitration Center in the Visayas nga isa ka unprecedented ukon tumalagsahon nga tikang ang nangin desisyon sang Senado nga i-archive ang impeachment complain batok kay Vice President Sara Duterte.
Sa interview sang Bombo Radyo Roxas, ginpahayag ni Pueblo nga ang amo nga desisyon ang wala nag-agi sa dikta sang Kamara, sang Korte Suprema, ukon sang Palasyo.
Sa baylo, ginpahayag nga isa ini ka hilway nga desisyon sang Senado bilang isa ka independent nga bahin sang gobyerno.
Suno sa iya, indi ini sugo sang Kamara, sang Korte Suprema ukon sang Palasyo kundi kaugalingon nga desisyon sang Senado. Ginhatagan pagtamod sang abogado nga tumalagsahon ang kasubong nga klase sang tikang sa maragtas sang Kongreso, kag nagserbe ini nga pamatuod sang political maturity kag constitutional independence sang mga mamalidha sa mataas nga kapulungan.
Dugang pa ni Pueblo, importante ang kasubpong nga sahi sang aksyon agud mapabilin ang checks and balances sa tunga sang mga co-equal branches sang gobyerno, ilabi na sa mga sensitibo nga isyu kaangay sang impeachment.
In an interview with Bombo Sunnie Mae Constantino Batencila
