ROXAS CITY – Nagdangat na sa masobra 500K ka mga aktibo nga mga miyembro ang napagkit sang Pag-IBIG Fund sa bilog nga Western Visayas.
Sa ginpatigayon nga PIA Kapihan, Episode 34 nga Pag-IBIG Fund Updates, ginpahayag ni Attorney Stanley Alayon, Acting Area Head Member Service Office (MSO) sang Western Visayas Area Pag-IBIG Fund nga ang talatapan ang nakabalhag sang kabug-usan 538, 804 ka mga aktibo nga mga myembro sa amu nga rehiyon nga nagikan sa walo ka mga branches, isa ka Member Frontime Servicing (MFS), duha ka mga Member Services Office (MSO), kag duha ka mga Service Desk (SD) sandig sa March 2025 Data sini.
Dugang pa, ginpakigbahin man sini nga nagdangat naman sa kabug-usan P1,144.526 Billion ang natipon nga savings sang mga myembro.
Nahibaluan nga yara sa P859.504 Million ang na release sang talatapan para sa Short Term Loan, kag nagdangat naman sa 30, 407 ang mga borrowers sini.
Samtang, may yara naman sang kabug-usan 15 ka mga Loyalty Card Merchant Partners ang amu nga talatapan sa nasambit nga rehiyon.
