Nagtigana ang Pag-IBIG Fund sang P250 billion nga pondo para sa 751,494 nga pabahay sang gobyerno para sa mga pigado sa idalom sang ‘Pabahay Para sa Pilipino Housing’ (4PH) program sang administrasyon ni Presidente Ferdinand Marcos Jr. nga target matapos sa Hunyo sang tuig 2028.
Suno kay Pag-IBIG CEO Mariline Acosta, mas mataas sang 46.12% ang bag-o nga target kumpara sa nauna nga administrasyon. Ginreport man sini nga may nakatigana sa 4PH program kaangay sang developers, contractors, kag local government agud mapadasig ang pagpatindog sang mga balay.
Una na nga naaprubahan sang Mayo ang P32.76 billion nga pautang para sa 4PH, kag P4.06 billion na ang nahatag para sa mga proyekto. Naglunsar man ang Pag-IBIG sang 4PH Online Sign Up para sa mas madasig nga pagpili sang mga balay gamit ang smartphone.
Nanindugan si Acosta nga ang pabahay ang kinamatarong sang tagsa Pilipino, kag indi dapat kabigon nga pribilehiyo. Padayon man ang pagdabong sang tipon sang mga miyembro, nga naglab-ot sa P40.41 billion sa una nga quarter sang 2025.
