Nag-eksplekar ang Palasyo sang Malacanang, kadungan sang pagveto ni Pangulong Bongbong Marcos sa PNP Reform Bill.
Suno diri, nag-agi ini sa maid-id nga konsiderasyon sang Presidente agud masiguro ang anu man nga pagbag-o sa PNP kun sa diin mangin patas, klaro kag mapuslanon sa tanan.
Ini ang kabahin man sa ginpaguha nga pahayag ni Executive Secretary Lucas Bersamin.
Mahibaluan nga ang PNP Perform Bill, nga magahatag kun tani sa pagbag-o sa sweldo sang mga kapulisan ang posible nga magresulta sang unfair disparities sa mga opisyal.
Nagapati suno diri si PBBM nga importante nga mapabilin ang pagiging patas kag palarehas nga compensation para sa tanan nga miyembro sang PNP.
Magluwas diri, kaungdan man sa amu nga hagna ang pagtukod sang bag-o nga opisina sa sulod sang PNP nga posible mangin halinan sang bureau-cracy kag inefficiency.
Butang nga kabaliskaran sa ginaduso nga streamlining sang administration sa government services.
Ginpunto man sang Palasyo nga importante nga mapabilin sang
Internal Affairs Service ukon IAS, nga responsable sa pag-imbestiga sang police misconduct, nga magapabilin independent kag impartial.
Samtang, padayon naman nga nakig-angut ang Marcos administration sa Kongreso agud makatukod sang layi nga magapabaskog sa Pambansang Pulisya nga indi magresulta sang negatibo nga epekto.
