Ano ang himuon mo kun nahibaluan mo nga ang boyfriend mo ang nagapamakla ukon nagapatandog sa isa ka beki kabaylo sang kwarta ukon gamit?
Viral ang isa ka Facebook post kun sa diin mabasa ang pagpasugot sang isa ka girlfriend sa ginahimo sang iya nga boyfriend bangud nagabenepisyo man ini.
Indi sigurado kun lehitimo ukon matuod-tuod nga naeksperyensyahan sang nag-share ang sitwasyo nga ginpakigbahin sini, apang madamo ang naka-relate kag nag-react sa nasambit nga post nga gintunaan sang diskusyon, habuyanay sang opinion kag komento.
Naka-upload ang amo nga post sa online community page nga TCU Secret Files.
Nakapangalan ang nasambit nga post nga “Elaine.”
Kalakip sa post ang screenshot sang conversation nila sang nobyo sini kun sa diin ginkompronta sini kun san-o pa ini nagapamakla.
Sabat naman sang nobyo nga duwa ka tuig na sila nga kilalahay kag wala pa sang “all-out” nga natabo sa ila kundi “half half lang.”
Ginauyatan lang suno diri ang maselan nga bahin sang iya nga lawas kabaylo sang “funds” kag sang masunod nga adlaw, isa na ka malahalon nga cellphone na ang ginhatag sa iya. Base naman sa sabat ni Elaine, ayos lang nga nagapamakla ang iya nga nobyo basta wala sang may matabo nga kun ano pa man.
