ROXAS CITY – Kinahanglan nga kanselahon ang pyansa antes mangin legal ang pag-aresto sa mga consultant sang National Democratic Front of the Philippines (NDFP) nga kalakip sa peacetalks sa The Netherlands.
Sa interview sang Bombo Radyo kay Atty. Nelson Borja, Capizeño nga naba-se sa Metro Manila ini ang legal na proseso nga dapat sundon sang gobyerno kasunod sang nangin mandu ni President Rodrigo Duterte nga ipaaresto ang tanan nga mga NDFP consultant nga ginpahanugutan nga makaguwa sa pungsod para makaupod sa peacetalks.
Gin-athag pa ni Borja nga ang mahimo lamang dakpon nga mga NDFP consultants ang may standing warrant of arrest nga ginpaguwa sang korte.
Samtang posible man nga gamiton nga depensa sang NDFP ang Joint Agreement on Security and Immunity Guarantee (JASIG) kun arestuhon ang ila nga mga kaupdanan.
Samtang posible man nga gamiton nga depensa sang NDFP ang Joint Agreement on Security and Immunity Guarantee (JASIG) kun arestuhon ang ila nga mga kaupdanan.
