ROXAS CITY -Aminado ang Market Administrator sang Teodoro Arcenas Trade Center nga na-atrasar ang mga garbage collector nga nagakolekta sang basura sa nasambit nga merkado.
Sa interview sang Bombo Radyo kay TATC Market Administrator Heloise Mendoza nga na-atrasar ang mga garbage collector sa pagkolekta sang basura sa merkado bangud tuman ka damo ang basura nga ila ginkuha.
Gindugang pa ni Mendoza nga may yara sang indi mga vendors ang nagahaboy sang basura rasun nga nagatambak ini sa nasambit nga merkado.
Ginpangabay naman sini sa mga residente nga nagaistar malapit sa merkado nga indi maghaboy sang basura sa TATC bangud may yara sang garbage truck ang siyudad nga nagakolekta sa tagsa ka mga kabarangayan.
Matandaan nga madamo sang nagpalab-ut sang concern sa Bombo Radyo natuhoy sa pagtinambak sang madamo nga basura sa TATC.
