ROXAS CITY – Malinong kag matawhay ang pagtakop sang Semana Santa sa hugot nga pagmonitor sa palibot kag pagsiguro sang siguridad sa tanan sang mga otoridad.
Sa interview sang Bombo Radyo Kay Mr. Dennis Saneo, CDRRMO Officer , ginpahayag sini nga Wala sang nabalhag nga kaswalte ukon insidente sa pagsaulog sang semana Santa.
Sa hugot nila nga pagmonitor kag pakig-isa sang mga katapo sang otoridad nangin madali para sa ila nga mapabilin nga matawhay ang syudad.
Kun ikumparar ini sa nakaligad nga tuig mas nangin matawhay ang sa subong.
Gani, dako Ang pagpasalamat sang talatapan nga nangin kooperasyon man sang mga pumuluyo rason nga nangin matawhay man snag Ang pagtakop sang Semana Santa.
Panugyan sang talatapan , ipabilin nga mangin safe ilabi sa karon nga mainit Ang paniyempo.
