ROXAS CITY-Indi pa makapadulong sa pungsod sang Roma si His Eminence Jose Advincula Jr. kasunod sang iya appointment bilang isa sa mga Cardinal sa pungsod Pilipinas.
Sa mensahe nga nabaton sang Bombo Radyo sa kay Rev. Fr. Jose Emilio Arturo Arbatin, Head sang Social Communication and Mass Media sang Archdiocese of Capiz, ginpahayag sini nga indi pa makapadulong sa Roma si His Eminence Jose Advincula Jr. bangud madamo pa sang mga nagapositibo sa COVID-19 sa amo nga pungsod.
Suno kay Arbatin nga temporaryo nga magapabilin sa probinsiya sang Capiz si Advincula.
Samtang wala pa sang gintalana ang Archiodese of Capiz sa posible magatal-us kay His Eminence Jose Advincula Jr. bilang Arsobispo sang Capiz.
Matandaan nga isa si Advincula sa 13 ka mga arsobispo nga ginhingadlan ni Pope Francis bilang bag-o nga mga Cardinal sang tinalikdan nga bulan sang Setyembre.
