Ginadumilian ang pagpahid sang lotion sa tion nga nagasupreher sang Mpox ukon Monkeypox ang isa ka pasyente.
Sa interview sang Bombo Radyo kay Doc. Manuel Mendoza Jr., Chief Dermatology Resident sang Region I Medical Center, ginpahayag nga mas nagahatag pa sang kadelikaduhan sa amu nga balatian ang pagpahid sang lotion nga indi nagakadapat kag indi advised sang doktor, sa panit sang isa ka pasyente nga may monkeypox.
Dugang pa sini, ipaagi sa natural nga pagpali ang samad kag mag-gamit lang sang nagakaigo nga mga bulong. Sa pihak nga bahin, ginpatpat ni Doc. Mendoza ang Monkeypox kun sa diin ginsiling sini nga ang amu nga balatian ang makatalapon pamaagi sa closed contact, sexual intercourse, droplets kag pag-gamit sang mga kagamitan nga iya sang persona nga may Mpox.
Nahibaluan nga ang Mpox mahimo nga indi madasig magtapon sa isa ka tawo kun may mabaskog ini nga immune system kag mahimo man nga madula sang madasig, nakadepende sa health habits sang isa ka indibidwal.
Pahayag pa sini, pag-abot sa pagkaon, wala naman sang may ginabawal, apang kinahanglan nga sundon ang pahanumdom sang mga doktor may kaangtanan diri.
Samtang, nagpahanumdum man ini nga importante nga mag sul-ot sang face mask sa tion nga nagaguwa gikan sa tagsa ka mga puluy-an; likawan ang pagkadto sa mga lugar nga madamo sang tawo kag kun mahimo mag-tinir nalang sa puluy-an.
Mag-inom man sang tubig nga may asin kag ipabilin nga malimpyo ang lawas kag palibot.
Nagpalab-ot naman ini sang mensahe sa publiko kun sa diin ginsiling sini nga kinahanglan sang tagsa-tagsa nga sundon ang mga health advisories sang mga healthcare personnel agud malikawan ang amu nga balatian bangud sa karon wala pa sang bakuna sang amu nga balatian diri sa Pilipinas.
