ROXAS CITY – Aminado si Governor Esteban Evan Nonoy Contreras nga siya mismo ang nag-instruct nga ipaiway ang operasyon sang dialysis center sa Roxas Memorial Provincial Hospital kadungan sa adlaw sang iya pagpungko bilang gobernador sang probinsiya.
Ginpahayag sang opisyal nga ini ang iya nangin tikang matapos nakit-an ang pila ka mga kalay-uhon nga natukiban sang nagbubo ang mamunog nga pag-ulan bangud sa bagyo.
Ginkunsulta man sini ang gindesignar nga chief of hospital kun handa na para sa pag-cater sang mga pasyente ang dialysis center, apang nahibaluan nga may yara pa sang kakulangan gani ginpaiway ini.
Ginklaro man sang opisyal nga wala sang lamud pamulitika ang nangin tikang sini kag ginsunod lamang sini ang para sa iya ensakto kag kaayuhon ang pila ka mga nagatulo nga area sang dialysis center.
Sa karon gintalana ang tentative schedule sa pagbukas sang dialysis center sa Septiembre 9, 2019.
