ROXAS CITY – Nangin madinalag-on ang ginpatigayon nga unified graduation ukon tingub nga gradwasyon sang mga graduating students gikan sa siyam ka mga campuses sang Capiz State University nga ginpatigayon sa Capiz Villareal Stadium.
Ini ang nangin assestment ni Dr. Editha Alfon, presidente sang CAPSU sang mainterview sang Bombo Radyo.
Suno kay Alfon nga nagsugod ang kahiwatan ala una sang hapon kag nagtakup las 6 sa kasisidmon kahapon.
Gin-athag pa sang opisyal nga wala nagab-ihan ang gradwasyon, bangud ginpaiway ang tradisyunal nga processional march sang mga graduating students.
Ini ang nadesisyunan sang pamunuan sang Capsu bangud sa tuman ka init nga panahon sa diin indi lamang ang mga estudyante ang maapektuhan kundi kalakip ang mga ginikanan.
