ROXAS CITY – Natandog ang balatyagon sang pila ka mga empleyado sang Roxas City Hall sa nangin mensahe sang assistant head department sang City government, sa ginhiwat nga labing-una nga flag ceremony sa tuig 2022.
Ini matapos nga naaprisyar sang pamunuan sang syudad ang nangin efforts sang mga empleyado sang tuig 2021.
Wala man makatambong si Mayor Ronnie Dadivas matapos nga malain ang pamatyag sini.
Sa interview sang Bombo Radyo kay Mr. Ronald Amigo, suno diri nga nangin very challenging ang tuig 2021 kag ginapanglantaw man sini nga mangin mapaghangkat man ang tuig 2022, matapos nga sa may bahin sang National Capital Region ang nagaeksperyensiya naman sang surge sang COVID-19.
Apang, ginpahayag sini nga preparado ang lokal nga gobyerno sang syudad sa wala amn ginapangayo apang posible nga liwat nga nga pagtaas sang kaso sang nasambit nga virus.
Apang, sa karon, padayon nga naganubo ang numero sang mga ginalatnan sang COVID-19 sa syudad.
Pahanumdom sini sa pumuluyo nga padayon nga magsunod sa pagsulundan sang gobyerno ilabi na sa pagsuksok sang face mask kag social distancing.
