ROXAS CITY – Pag-rehab sa mga drainage system ang nakita nga solusyon ni City Councilor Medilo Ocampo natuhoy sa pagbaha sa Barangay Tiza, Roxas City.
Ini ang ginpahayag ni City Councilor Midelo Ocampo sang mainterview sang Bombo Radyo.
Suno kay Ocampo nga ginaaksyonan na sini ang reklamo sang mga residente sa Atienza Street sa nasambit nga barangay pinaagi sa pag-declog sang mga barado nga drainage system.
Apang ginpahayag ni Ocampo nga temporaryo gid lamang ini nga solusyon sa pagbaha sa nasambit nga barangay.
Dugang pa ni Ocampo nga ginapalimpyohan kag ginapahawanan sini ang mga basura nga nagatuga lamang sang pagbara sa mga drainage system.
Aminado si Ocampo nga kinahanglan i-rehab ang drainage system sa bug-os nga barangay agud dalayon na nga masolbar ang problema sang pagbaha.
Samtang, liwat naman nga nagpakig-angut si Ocampo sa mga kumpaniya sang mga telecommunications company nga tubtob subong wala pa sa gihapon ginaaksyonan ang mga mga spaghetti wire sa mga poste.
