ROXAS CITY-Ginkompirmar sang Provincial Legal Officer sang probinsiya nga dalayon na ginkakas ang pagrequire sang medical certificate sa mga driver kag pahenante sang mga nagadeliver sang essential goods gikan sa siyudad sang Iloilo.
Kasunod ini sang pagkadismaya ni Iloilo City Mayor Jerry Treñas sa nangin pagsulundan sa boarder restriction sang probinsiya.
Ginpahayag ni Atty. Esteban Angeles Contreras nga ginkakas na sa ginpapanaog nga executive order sang gobernador ang pagrequire sang medical certificate sa mga naga-deliver sang mga essential goods gikan sa Iloilo City.
Gin-athag ni Contreras nga wala sang tuyo ang gobernador nga harangan ang pagdeliver sang mga essential goods, apang luyag gid lamang sini nga mapasiguro nga hilway sa COVID-19 ang mga nagasulod sa probinsiya gikan sa nasambit nga lugar.
Suno kay Contreras nga kinahanglan sang probinsiya nga mag-hugot sa border bangod sa padayon nga pagsaka sang kaso sang COVID-19 sa nasambit nga siyudad.
Samtang wala naman sang komento si Contreras natuhoy sa reaksyon ni Treñas nga magapasaka ini sang panumbongon batuk sa gobernador.
Ginpahayag pa sini nga normal na kay Treñas nga maghatag sang reaksyon bangud masami man ini nga ginahimo sang alkalde.
Dugang pa sini nga kinamatarong ni Treñas nga magpasaka sang panumbongon apang nagapati ini nga wala sang may ginlapas nga layi ang probinsiya
