Pagsaka sa presyo sang gatong, posible nga magalab-ot sa P10 sa kada litro  bangud sa nagapadayon nga tension Middle East

Ginatan-aw nga posible maglab-ot sa P10 kada litro ang saka sang presyo sang sang gatong sa masunod nga mga semana bangud man sa nagapadayon nga tensyon sa Middle East.

Suno sa Department of Energy – Oil Industry Management Bureau (DOE-OIMB), kon maglab-ot sa 20 United States Dollars ang pagsaka per barrel sa global market, ginabanta ang P7 tubtob P10 ang pagsaka sini sa kada litro.

Ginakabalak-an naman ini sang mga motorista, operators kag mga transport cooperatives.

Matandaan nga ginlunsyar sang U.S. kag Israel ang pag-atake sa Iran sang Pebrero 28 agud balabagan ang nuclear project sini.