Aprubado na sa DTI Ginaprubahan na sang Department of Trade and Industry (DTI) ang hirit sang mga bread manufacturer nga pagsaka sa presyo sang Pinoy Tasty kag Pinoy Pandesal.
Mahibaluan nga gintugutan sang ahensya ang P3.50 nga pagsaka sa presyo sang 450-gram pack nga Pinoy Tasty, kag P2.25 naman sa presyo sang 250-gram pack (10 pcs) nga Pinoy Pandesal.
Bangud sini ang bag-o nga suggested retail prices (SRPs) para sa Pinoy Tasty kag Pinoy Pandesal yara na sa P44.00 kag P27.25, suno sa pagkasunod-sunod nga anay yara lamang sa P40.50 kag P25.
Suno kay Trade Secretary Cris Roque, ginaprubahan sang DTI ang ginahinyo sang mga manufacturer nga dugang-presyo bangud sa pagtaas sang presyo sang mga raw materials.
Ang Pinoy Tasty kag Pinoy Pandesal mas barato nga varieties sang kilala nga bread products sa pungsod.
Ang mga ini ang ginaprodyus sa idalum sang isa ka corporate social responsibility program sa tunga sang DTI kag Phil baking nga ginlunsyar sadtong 2010.
