ROXAS CITY – Gindagsa sang pumuluyo ang Roxas City Plaza kadungan sang pagsaulog sang ika-71st years sang pagtukod sang gobyerno sa syudad sang Roxas ukon Pasalamat 2022.
Madamo ang nagtambong nga mga pumuluyo kalakip na diri ang katigulangan kag kabataan nga makit-an sa mga nawong ang kahidlaw pagkatapos sang duwa ka tuig nga pag-untat sang mga selebrasyon.
Ang amo nga kahiwatan ang ginpangunahan ni Mayor Ronnie Dadivas kag gintambongan man sang mga banda kag local vendors.
Makit-an man ang presensya sang katapo sang kapulisan agud magbantay sang seguridad kag mag-mentinar sang kalinong sa nasambit nga aktibidad.
Mahibaluan, alas 4:00 sang hapon nagsugod ang programa pinaagi sa paghiwat sang Thanksgiving Mass sa Metropolitan Cathedral Church.
