Nangin malinong kag matawhay ang pagsug-alaw sang tuig 2026 suno sa Roxas Component City Police Station.
Sa interview sang Bombo Radyo kay Police Lieutenant Colonel Ricardo Jomuad Jr., Hepe sang Roxas City Component Police Station iya ginpahayag nga sa ila paglibot sa palibot sang syudad, wala sang nabalhag nga pagkinagamo kadungan sang pagbaylo sang tuig.
Suno kay Police Lieutenant Colonel Jomuad, wala man sang may nabalhag nga kaso sang kinawatay bangud sa hugot nga pagbantay sang tanan nga katapo sang ila talatapan.
Pahayag pa niya, apisar may nagluntad nga minor vehicular accident kun sa diin may nagbunggo nga motor sa police patrol apang gilayon man ini nga na settle.
Nagapasalamat man ang natungdan sa kooperasyon sang tanan nga pumuluyo sang komunidad nga nangin alerto kag aligmat sa pagpahagan hagan sang kriminalidad sa syudad.
