ROXAS CITY – Yara sa lima ka mga barangay sa banwa sang Panitan ang apektado sang soil erosion kun sa diin gindeklarar na ini nga danger zone.
Ini ang ginkumpirmar ni Mr. Mark Jay Dumol, pinuno sang Municipal Disaster Risk Reduction and Management Office (MDRRMO) Panitan sang ma-interview sang Bombo Radyo.
Suno kay Dumol, ang lima ka mga barangay nga ila nabalhag nga apektado amu ang Barangay Tabuk Sur, Tabuk Norte, Pob. Ilaya, Pob. Ilawod, kag Balatucan.
Ginpahayag sini nga ang mga pamilya nga apektado ang naka-evacuate na sa balay sang ila tagsa ka mga himata kag kun adlaw nagabalik ang mga ini sa ila puluy-an agud tsekyaron ang ila mga kagamitan.
Base sa ila pagpakighinun-anon kaupod ang Department of Public Works and Highways (DPWH), ginpahayag sini nga magapadulong buwas nga adlaw ang national DPWH sa nasambit nga mga lugar agud maghiwat sang assessment
Nagapati si Dumol nga masolusyonan ang ini nga problema pinaagi sa pagtukod sang Panay basin project.
Gintuad man sini nga base sa DPWH, may yara na sang pondo ang nasambit nga proyekto nga igatukod.
