ROXAS CITY – May tikang na nga ginhimo ang gobernador sang probinsya angut sa ginahinyo sang provincial board nga matumod ang mga sitio sa kabaranggayan nga hatagan sang proyekto nga pagapondohan sa idalom sang 20% Development Fund sang Annual Investment Plan (AIP) 2020.
Ini ang ginpahayag ni Capiz Governor Esteban Evan Contreras II sang ma-interview sang Bombo Radyo Roxas.
Suno kay Contreras nga nagrequest na ini sa Provincial Engineers Office nga pahamtangan sang proyekto ang mga sitio sa kabaranggayan kun sa diin ang pondo nga gamiton para diri ang kuhaon development fund sang AIP.
Ginpahayag ni Contreras nga mismo sa iya pagbisita sa banwa sang Maayon nakita sini nga may yara na sang poste nga natukod para sa covered court sa isa ka barangay nga nagikan ang pondo sa national government.
Bangud diri, plano ni Contreras nga isaylo na lamang ang pondo sa pagtukod sang solar light.
Samtang pag-abot sa wala pagtambong sang mga hospitals officials sa Sangguniang Panlalawigan nga imbitasyon, gin-athag sini nga maga-designar siya sang representative nga makasabat sa mga palamangkutanon sang mga provincial board.
Bangud indi luyag sang gobernador nga magresign ang mga hospital officials kun indi masabat ang mga pamangkot sang provincial board.
