Ginpatpat sang pambato sang Capiz State University-Main Campus ang iya nangin kadalag-an sa English Declamation sang Regional Association of State Universities and Colleges (RASUC) VI.
Sa interview sang Bombo Radyo kay Jay P Basa, 2nd Place sa English Declamation sang RASUC VI Regional Culture and the Arts Festival and Conference 2026, iya ginpahayag nga isa ka daku nga kadungganan ang makuha ang ikaduha nga pwesto sa nasambit nga competition.
Suno kay Basa, madamu na ini sang nangin role apang ang iya piece sa kompetisyon ang naghatag sang bag-o nga duag sa iya abilidad sa patag sang declamation.
Pahayag pa niya, ang gusto ipaambit sang iya performance amo ang pagpakita sang kabuot kag kaayuhan sa kada isa.
Dugang pa sang natungdan, ang iya mga natun-an sa Regional Association of State Universities and Colleges (RASUC) VI ang pagadal-on niya para sa mas madamo nga oportunidad sa palaabuton.
INTERVIEWED BY: BOMBO ROADNIE DALANON AND BOMBO VINZ DEOCAMPO
