ROXAS CITY – Nag-apelar sang bulig kay President Rodrigo Duterte ang pamilya sang pulis nga ginluthang kag ginbuno sang riding-in-tandem sa ila nga balay sa Palmera Homes, Caloocan City.
Ginkilala ang biktima nga si PO2 Chris Robert Castro, isa ka Capizeño nga na-assign sa Manila Police District Tondo Police Station 1.
Nag-angkon sang pito ka pilas sa likod ang nasambit nga pulis matapos tiruhon kag bun-on sang mga suspek nga nagpakuno kuno nga magakaon sa ila nga karinderya.
Sa interview sang Bombo Radyo Roxas kay Shiela Marie Alado, tiya sang biktima, ginpahayag sini nga ila ginkakibot ang balita nga ginpatay ang hinablos sang duha ka mga suspek.
Samtang, suno kay Alado nga isa sa ginatan-aw nga motibo sa pagpatay sa hinablos amo ang ginauyatan nga drug cases sini bangud isa ini ka operatiba sang drug enforcement unit sang nasambit nga police station sa Tondo, Manila.
