SIGMA, CAPIZ – Posible pamulitika ang rason sang pagpasaka sang kaso batok kay Mayor Dante Rizal Eslabon kag sa pila ka mga opisyal kag empleyado sang banwa.
Lakip sa mga reklamo amo ang Falsification of Public Officer and Employee,Grave Abuse of Authority, Grave Misconduct kag Code of Conduct and Ethical Standards for Public Officials and Employees etc.
Ang nasambit nga mga reklamo ang gin-file sa Office of the Ombudsman sang isa ka pribado nga indibidwal.
Sumo kay Atty. Remia Fuentes-Bartolome, legal counsel sang mga ginreklamo, nga ang mga alegasyon nga nakabutang ang wala pa mapamatud-an kag wala pa sang pinal nga desisyon ang may kahimuan nga ahensya.
Dugang pa niya, posible may kahilabtanan sa pamulitika ang nasambit nga mga kaso, bangud indi tanan nga opisyal sang banwa ang nalakip sa ginpasakaan.
Sa subong, ginahimo sang kampo ang ila mga legal nga tikang agud mahibaluan ang mangin masunod nga aksyon kag maproteheran ang ila bahin sa nasambit nga mga kaso samtang padayon ang ila pagserbisyo sa mga pumuluyo sang banwa sang Sigma.
