Nagpatigayon sang surprised drug test ang pamunuan sang Bureau of Jail Management and Penology (BJMP) sa tanan nga talatapan sa Western Visayas.
Sa Interview sang Bombo Radyo kay Atty Juniven Rey Umadhay, Spokesperson sang Bureau of Jail Management and Penology (BJMP) 6, iya ginpahayag nga yara sa 112 ka mga personnel kag opisyal lakip na ang 19 ka mga warded sa 19 ka mga presohan sa rehiyon 6 ginpaidalum sa nasambit nga test.
Suno kay Umadhay, nangin madinalag-on ang ila nga paghiwat bangud base sa inisyal nga resulta, tanan nga katapo ang nag-negatibo.
Pahayag pa niya, importante ang pagpatigayon sang drug-test agud nga mapabilin nga hilway sa iligal nga druga ang talatapan, kag mga katapo sini .
Nagpasalig man ang natungdan nga padayon ang ila pagserbisyo agud mahatagan sang seguridad kag mapalayo sa mga indi maayo nga insidente ang mga Persons Deprive of Liberty (PDLs).
Interviewed by: Bombo Francis Biñas via Zona Libre
