-- ADVERTISEMENT --
ROXAS CITY – Nagapadayon pa ang imbestigasyon sang mga kapulisan sa banwa sang Panay angut sa pagransak sa simbahan sa Barangay Cogon.
Sa interview sang Bombo Radyo kay PCPT. Ronald Ton-ogan, Hepe sang Panay PNP nga posible duwa ukon tatlo ka mga kawatan ang nagransak sa simbahan nga nag-agi sa pwertahan pinaagi sa pagguba sa kandado sini.
Ginabulubanta naman nga naglab-ot sa P70,000 ang balor sang mga nadula nga mga kagamitan nga ila nataban.
Nagapati naman si Ton-ogan nga bangud nagaumpisa na ang tig-ululan ini naman ang tyempo nga nagaumpisa sa pagpangawat ang mga kawatan.
Nagpanugyan naman ini sa mga pumuluyo nga kun sin-o ang mabaligyaan sang kinawatan nga pagkabutang ang indi pagbaklun kag i-report gilayon sa police station.
-- ADVERTISEMENT --
