Panday arestado sa kaso nga Attempted Murder

ROXAS CITY-Arestado ang isa ka panday matapos nga ginserbehan sang Warrant of Arrest sang mga pulis sang Roxas City Police Station sa Barangay Lanot, Roxas City.

Ginkilala ang arestado nga si Carmilo Estorque residente sang amo man nga lugar.

Nagapangatubang sang panombongon nga Attempted Murder si Estorque kun sa diin ang warrant of arrest sini ang gin-issue kag ginpirmahan ni Hon. Presiding Judge Lorencito Diaz Presiding Judge sang RTC, 6^th Judicial Region Branch 17.

Ginrekomendar naman sang korte ang P12,000 nga piyansa para sa iya temporaryo nga kahilwayan.

Sa karun nagapabilin sa karsel sang Panay Municipal Police Station ang nasambit nga persona.